3-6 мая 2015 г. ва ўніверсітэце Лінк Кампус (Італія) праходзіў трэці каардынацыйны семінар у рамках праекта Tempus "Навучанне альтэрнатыўнаму ўрэгуляванню спрэчак як падыходу да забеспячэння правоў чалавека", у якім прынялі ўдзел менеджары праекта Сара Нітц і Вольга Шыфельбайн (універсітэт Патсдама, Германія), менеджар па якасці Вадзім Самарын (БДУ, Беларусь), рэгіянальныя менеджары Алег Мароз (БДУ, Беларусь) і Юлія Маханёва (ХНУ, Украіна), а таксама прадстаўнікі ўніверсітэта Лінк Кампус (Італія), Беларускага дзяржаўнага ўніверсітэта і Гродзенскага дзяржаўнага ўніверсітэта імя Янкі Купалы (Беларусь), універсітэта Вільні (Літва), Вышэйшай школы імя Баляслава Маркоўскага ў Кельцах (Польшча).

Беларускі дзяржаўны ўніверсітэт прадстаўляў дэкан юрыдычнага факультэта, прафесар Сяргей Балашэнка, Гродзенскі дзяржаўны ўніверсітэт імя Я. Купалы - першы прарэктар, дацэнт Святлана Агіявец і загадчыца кафедры працоўнага і сацыяльнага права Ганна Аўдзей.

У рамках семінара ўдзельнікамі было паведамлена пра ход рэалізацыі праекта ў сваіх універсітэтах, працэдуру адкрыцця магістарскіх праграм, абмеркаваны фінансавыя пытанні і распрацаваны план на наступнае паўгоддзе.

Падрабязней у фотагалерэі

10-29 мая 2015 г. у рамках міжнароднага праекта Tempus TRADIR «Навучанне альтэрнатыўнаму ўрэгуляванню спрэчак як падыходу да забеспячэння правоў чалавека» прадстаўнікі Беларускага дзяржаўнага ўніверсітэта, Гродзенскага дзяржаўнага ўніверсітэта імя Я. Купалы, Харкаўскага нацыянальнага універсітэта імя В. Н. Каразіна, Львоўскага нацыянальнага ўніверсітэта імя І. Франка, Хмельніцкага ўніверсітэта кіарвання і права наведалі ўніверсітэт Патсдама (Германія).

У рамках мерапрыемства ўдзельнікі праслухалі лекцыі на тэмы «Задачы нямецкага арбітражу», «Асноўныя палажэнні нямецкага крымінальнага права», «Карпаратыўнае права», «Абарона правоў чалавека Камітэтам ААН па правах чалавека», якія праводзіліся выкладчыкамі ўніверсітэта Патсдама. Акрамя гэтага, падчас семінараў у фармаце рабочых груп лектарамі была прадастаўлена інфармацыя пра сістэму юрыдычнай адукацыі ў Германіі, асаблівасці арганізацыі практыкі для студэнтаў, а таксама прадэманстраваны і абмеркаваны прыклады экзаменацыйнага задання для выпускніка вышэйшай навучальнай установы.

Асобны трэнінг быў прысвечаны абмеркаванню тэарэтычных і практычных асноў працэдуры медыяцыі ў Германіі, прайграванне мадэлі гэтай працэдуры з дапамогай прафесійнага медыятара.

Падчас візіту ўдзельнікі наведалі ўніверсітэцкую бібліятэку, Цэнтр па правах чалавека, а таксама верхнюю палату парламента Германіі - Бундесрат, размешчаную ў г. Берлін.

Падрабязней у фотагалерэі

З новага навучальнага года юрыдычны факультэт Беларускага дзяржаўнага ўніверсітэта адкрывае новую спецыяльнасць для магістрантаў: "Прававое забеспячэнне альтэрнатыўных спосабаў урэгулявання канфліктаў і спрэчак".

Уступныя іспыты для паступлення ў магістратуру юрыдычнага факультэта БДУ па спецыяльнасці "Прававое забеспячэнне альтэрнатыўных спосабаў урэгулявання канфліктаў і спрэчак" складаецца з тэсту па наступных дысцыплінах: агульная тэорыя права, канстытуцыйнае права, грамадзянскае права, крымінальнае права.

Дакументы прымаюцца - з 26 чэрвеня па 4 ліпеня 2015 г. у пакоі 211 у будынку юрыдычнага факультэта (вул. Ленінградская, 8) з 10.00 да 16.00 (перапынак на абед з 13.00 да 14.00), тэл. 209-55-72.

Падрабязней (на рускай мове)

23-27 чэрвеня 2015 г. у рамках міжнароднага праекта Tempus TRADIR прадстаўнікі Беларускага дзяржаўнага ўніверсітэта, Гродзенскага дзяржаўнага ўніверсітэта, Харкаўскага нацыянальнага ўніверсітэта, Хмяльніцкага ўніверсітэта кіравання і права, Львоўскага нацыянальнага універсітэта імя Івана Франка прынялі ўдзел у I Міжнароднай летняй школе «Навучанне альтэрнатыўнаму ўрэгуляванню спрэчак як падыходу да забеспячэння правоў чалавека», якая праходзіла на базе Беларускага дзяржаўнага ўніверсітэта (г. Мінск, Беларусь). Метадалагічнае і арганізацыйнае забеспячэнне летняй школы ажыццяўлялі менеджар па якасці праекта Вадзім Самарын (БДУ, Беларусь) і рэгіянальны менеджар Алег Мароз (БДУ, Беларусь).

У рамках мерапрыемства ўдзельнікі праслухалі лекцыі па тэмах «Права навакольнага асяроддзя і альтэрнатыўнае вырашэнне спрэчак», «Еўрапейскія кампаніі: ключавыя асаблівасці», «Пагаджальная форма спынення крымінальнага судаводства па нямецкім крымінальна-працэсуальным праве», «Пасрэдніцтва ў экалагічных канфліктах», «Рашэнне працоўных спрэчак у Літве», якія праводзіліся выкладчыкамі універсітэтаў Германіі, Літвы, Беларусі.

Падчас візіту ўдзельнікі наведалі юрыдычны факультэт Беларускага дзяржаўнага універсітэта, музей юрыдычнага факультэта, Нацыянальную бібліятэку Беларусі. Таксама адбылася экскурсія па вуліцах старажытнага і сучаснага Мінска.

Падрабязней у фотагалерэі

Праект TRADIR прадстаўлены на фота-выставе праектаў, падтрыманых збоку Еўрапейскага Саюза ў Беларусі, в Цэнтральным парку імя Горкага ў Мінску "Праекты ў асобрах" менеджарам па якасці Вадзімам Самарыным. Гэта цудоўная магчымасць праракламаваць нашу новую магістарскую праграмы і распаўсюдаць веды пра праект TRADIR.

Пазней выстава пераедзе ў Віцебск, Гомель, Магілёў, Бярэсце і Гародню.